Florence thlichia: US rammi 3 a thah cang hna, inn lo tampi a hrawh fawn

Mithla leipang a uarmi hna caah a mak ngaimi mithla thawngpang cu kan rak langhter tthan. Vawlei cung mithla an hran cemnak hotel 10 cu langhter an si…

Tihnung ngaimi Florence thlichia cu zahan zaan thawk in US ram nichuah lei rili kam ummi state pawl fak ngai in a rak den hna caah minung 3 an nunnak a liam cang. Chungkhar pakhat cu an inn chung ah thingkung nih a rak tluk hnawh hna, hringtu nu le a fanu te an nunnak a liam i hringtu pa cu siizung a phan. Thlichia ruang ah a thimi adang an um len rih kho tiah an ruah.

Thlichia nih inn tam nawn a thluk, hotel pakhat zong a thluk ve caah nawlngeitu nih a taapmi an chanchuah hna.Thlichia ruang ah a thimi tiah nawlngeitu nih an fehter khawhmi cu 3 an si, a dang an hlat cuahmah rih. A thimi an karh khomi dirhmun ah a um.

Inndong 600,000 leng cu electric mei loin an um rih, ti a ngan chin thluahmah i duhtawk in um kal khawh a si ti lo. Tilian hi minung nunnak caah tihnung tuk tiah an ruahmi a si. Thlichia cu a thazaang a der ngai cang, tihnung tukmi ‘hurricane’ dirhmun in atu cu thlichia sawhsawh ‘tropical storm’ ah ai chuah cang. Ruahpi belte cu fak tak in a sur rih ko.

Be the first to comment

Leave a Reply

Your email address will not be published.


*