President Trump: ‘IS ralhrang nupi si ding ah Syria a kalmi nu hi US ah luh ka sianh ti lo’

A chuahsemnak US ram kaltak in IS ralhrang nupi si ding ah Syria ah a kalmi nu Hoda Muthana cu US ah luh ka sianh ti lo, US a kir than kho ti lo tiah President Trump nih a chim.

Hoda Muthana hi US citizen a si, nain Syria a kal lio ah US passport cu mei in a khangh. Syria a um chung ah IS ralhrang biatak tein a tanpi, US rammi thah ding zong ah forhnak a tuah fawn.

Ms Hoda cu IS ralhrang he an hrinmi fapa pakhat a ngei. Kurdish hriamtlai phu nih IS ralhrang an thuat hna lio ah an tlaih vemi a si.

IS ralhrang sin ka kalmi kai chir tuk hringhran, US cozah nih ka cohlang than ko u, US rammi caah tih a nungmi ka si hrim lo, midang cio bantuk mi sawhsawh ka si ko tiah Ms Hoda nih zangfahnawlnak a tuah.

Tuhi Ms Hoda a sihni nih Ms Hoda tluang tein a rat khawhnak ding caah ai zuam cuahmah, US citizen a si caah US rat khawhnak nawl a ngei, US a phak hnu ah bia an ceih piak lai i thongthlak a phu an ti ahcun thongthlak ding a si ko, US kirnak nawl cu a ngei tiah Ms Hoda a sihni nih a chim.

Tulio hi Kurdish ralkap hna nih IS ralhrang an hmun lak dih an timh cuahmah lio a si, kaupi a tang ti lo. Tuhnu ni caan tlawmpal ah cun an lak dih ko lai tiah ruah a si.

Related Posts

Leave a Reply

Your email address will not be published. Required fields are marked *