President Trump le North Korea hruaitu Kim Jong-un an kut an i tlaih than cang

Vietnam ram Hanoi khua ah US President Trump le North Korea hruaitu Kim Jong-un an kut an i tlaih than cang, tuzaan lei kha zaanriah an dumti.

President Trump le Pu Kim hi nihnih chung tonnak an ngei lai. North Korea nuclear zeitindah kaltak a si lai timi thuk deuh in an ceihmai lai tiah ruah a si.

Nikum June thla ah khan Singapore ah voikhat an rak i tong, North Korea nuclear kaltak khawhnak ding i zuam ding hnatlaknak an rak ser. Nain, thuk deuh in hnatlaknak an rak ser lo.

Nikum 2018 chung ah North Korea a lor tuk ti lo, nuclear le missile bomb a test hraw ti lo. Nuclear kaltak an duh ko lai tiah tampi nih zumh a si.

“Vietnam a thancho ning hi khuaruahhar a si ko. North Korea zong nuclear a kaltak ahcun Vietnam bantuk in thancho khawhnak lam kaupi a ngei,” tiah President Trump nih a chim.

Zaanriah an dumti hlan ah minute 20 chung Trump le Kim Jong-un lawnglawng in tonnak an ngei hmasa, cu hnu ah an hnuzul hna he zaanriah an dumti hi a si. Thaizing an i tong than lai.

Related Posts

Leave a Reply

Your email address will not be published. Required fields are marked *